what egyptions want ?

ما الذى يريده المصريين:
كان ده عنوان مقال او موضوع على موقع البى بى سى قرائته اليوم  من خلال اللينك
ده
http://www.bbc.co.uk/arabic/middleeast/2010/07/100728_egyptians_mubarak_tc2.shtml
لكن فى الحقيقه ابتسمت لان السؤال يضحك  لكن الموضوع سياسى جدا المشكله ان
البى بى سى عايزين يعرفوا المصريين عايزين ايه او مين واعتقد ان الى كتب الموضوع و
الى اشرف عليه مفيش فيهم اى واحد مصرى لان الوضع كالتالى:
اولا : لو قولنا جمال مبارك وانا شخصيا معنديش اى اعتراض عليه حتلاقى الى يقولك اه
اهو امتداد لى ابوه وحنعيش زى ما احنا واهى ماشيه وبلاش كلام فى السياسه.
وحتلاقى الى يقول لاء لازم نغير رغم انه مش بيقول احنا كمان نتغير فى تفكيرنا.
وحتلاقى واحد ماشى فى الشارع ومعاه كيس متعرفشى فيه ايه لانه فى الغالب اسود علشان
محدش يحسده او يبصله على الكام رغيف الى اشتراهم بيقولك يعم سيبنى اروح وانا مالى
العيش حيبرد هو حلو وهو سخن.
نفس مبداء اكل الاكل سخن و شرب الشاى سخن و الاستحمام بى ميه سخنه علشان يحس ان
عنده سخان شكل الشعب عندنا بيحب الحاجه السخنه من كتر ما اكل سخن.
ثانيا : لو قولنا البرادعى فا البى بى سى بتقول الحل المستورد وهما نسين ان الشعب
عندنا بيصدق المستورد اكتر من المحلى يعنى لو جبتله قميص محلى و قميص مستورد ونفس
السعر حياخد المستورد من غير تفكير وحتى لو سعره اغلى ولو سئلت البائع ايه الفرق
حيقولك فى كلمه وحده ده مستورد يعنى صناعة بره وحتاخد القميص وتلبسه وانتا مبسوط
ومزئطط وبعد كام غسله وبعد كام شهر حتبص على التكتك بتاع الصناعه حتلاقيه لو حظك
حلو على الاقل مكتوب عليه 100% من القطن المصرى الخالص  يعنى طلعت زبون يمعلم.
ثالثا : لو قولنا ايمن نور او السادات او اى واحد من دول فكائنك بتختار تشوف القناه
الاولى او تشوف القناه التنيه فى التليفزيون المصرى وحده اغلبها انجليزى وطريقه
غربيه شويه و وحده اخبار ومجلس شعب واعلانات  وتنظيم الاسره واشرب المحلول
عمرهم ما حيبقوا قنوات فضائيه تصلح لى الاستخدام الدولى.
رابع : فضل ايه مفيش حاجه حكم من عسكرى معتقدشى مع كامل احترانمى للجيش المصرى الى
تقريبا محاربشى او دخل اى حرب من بعد 1973 وتقريبا بطل يعمل اى مناورات عسكريه من
سنين فاعتقد انه محتاج سنفره وكام وش دوكه على الله لو قامت حرب نلاقيه موجود مش
لازم يحارب بس على الاقل ميختفيش زى العراق.
انا فى رئى اخيرا الحل هو انتخاب فيفى عبده لان حسب الاشاعات كانت مدوخه اغلب
الرئاسائ العرب و محدش بيقدر عليه و الشعب بيقعد يبصله من غير ما يغير المحطه فكده
نضمن ان الرئيس القادم حيحقق الاهداف التاليه:
1- وصل المرئه الى الرئاسه واثبات عدم اعطائها حقوقها ( بس ينحوا فى مكلية الحقوق
على الاقل )
2- ضمان موافقة غالبيت الشعب على المرشح بدون اهدار المال العالم فى الاعلانات و
صناديق الانتخابات لان بكل بساطه محدش بيبطل فرجه على الرقص رجاله او ستات
3- ضمان وجود قدوه عليا للشعب حيث لاوحظ مؤخرا تراجع نسبت الرقاصات فى البلد وزيادة
نسبت الرقصين من الرجال و المطربات الفيديو كليب
4- رجوع مصر لمكانتها العالميه فى الصداره و الرياده حيث اصبح ة مصر تترنح عن
مكانتها فى العالم  فقد اصبحت الراقصات الروسيات و اللبنانيات تحتل المكانه
المتقدمه عن مصر
5- زيادة السياحه وهو امر متعلق بزيادة الراقصات حيث لم يعد يهتم احد بى ابراز
الاثار فقط الراقصات فى اعلانات وزارة السياحه
6- زيادة الدخل القومى حيث سوف يزداد انهيار الفلوس على الراقصات مما يؤدى الى
ارتفاع حيصلت المدخول من الضرائب
7- زيادة فرص العمل حيث سوف يتاح لكل رقاصه ان يكون لديه اربع بودى جاردات و اثنان
قورنى غير العدد الذى سوف يعمل فى العزف و الفتح و خلافه
8- ضمان تحسن كفائت المواطنين فى العمل حيث سوف يسهر اغلبهم فى الكباريهات و
الشوارع للعمل مع الراقصات بدل من السهر على الانترنت
اعتقد ان كده حنكون وصلنا الى ماذا يريده المصريين لكن لازم يكون فى تو اوبشنز فلو
شيفين ان فيفى عبده كبرة رغم انها اثبت براعتها فى بيع الخضار فممكن ندى هيفا وهبى
الجنسيه وتترشح هيا ونغير السلام الوطنى لو كنتم لسه فكرينه من بلادى بلادى بلادى
لكى حبى  الى بوس الواوه هيك الواو خلى الواو يصح