last week
عارف لما تقول انا طالع ديك امى بنفس المعنى رغم ان امى توقفت عن
تربية الدواجن من زمان لكن والله طالع ديك وفرخة امى فى الى حصلى.
بصو يوم 18 اكتوبر الماضى كملت عامين فى الكويت وكده اكون متكمل كل الشروط الى
تخلينى قادر على التقدم لطلب رخصة قيادة سياره وبيسمهوا هنا الليسن المهم ده يوم
سبت و السبت اجازه و الاحد اول يوم دوام فقررارت انى اروح يوم الاثنين يعنى تانى
يوم دوام و ممكن يكون اليوم لذيذ .
يوم الاثنين : جهزت حالى وصحيت من الساعه 6 لبست هدومى واعدت انتظر التاكسى علشان
نروح ومر عليا فى الموعد المعتاد 7:45 صباحا ورحنا الجابريه ومعايا الاوراق
التاليه:
1- طلب التقدم لرخصة قياده خاصه
2- طلب فحص طبى
3- طلب فحص نظر
4- ورقه من المعامل بفحص الدم
5- صورة اذن العمل
6- صورة المهل الجامعى و الاصل ويكون مختوم من السفارة المصرية و الخارجيه الكويتيه
7- توقيع الكفيل بالموافقه على التقدم بطلبى للحصول على رخصه قياده
8- اعتماد توقيع الكفيل صورة
9- صورة بطاقة الكفيل
10- صورة البطاقه الخاصه بى
11- صورة جواز السفر
12- ورقه كمان تخص الكفيل مش فاكر اسمها ايه
رحت قالى فين اذن العمل الاصلى قولتله ليه قالى لازم تجيب اذن العمل الاصلى كمان,
رجعت وانا متضايق وايه المشكله مانا معايا الصورة منه المهم طلبته من الشركه
واعطونى اذن العمل الاصلى وقولت حروح يوم الثلاثاء ثانى يوم .
يوم الثلاثاء :
صحيت من النوم وقولت مفيش داعى البس جاكت البدله اليوم واخدت معايا النظاره علشان
لو قالولى فى فحص العين روح اعمل نظاره وارجع تانى اكون جاهز وعلقتها فى زرار
القميص فى صدرى كالمعتاد المهم دخلت المرور قدمة الورق اعدت يدبس اوراق ويعلم صح
على خانات كتير واعدت يكتب كلام وفى الاخر قالى اتفضلى اذن العمل و الشهادة
الاصليين واعطانى باقى الاوراق وقالى روح اعمل كشف نظر فى حطين فرحت بالتاكسى من
الجابريه الى حطين وكنت قالقان من موضوع النظاره المهم رحت و الناس كانوا
لذاذ جدا ومزجهم حلو والطبيب قالى نظرك 6 على 9 وكتب ليس بحاجه لنظاره نظر جيد
وقالى اوكى ارجع على المرور رجعت على الجابرية لى مرور حولى قدمة
الاوراق تانى المراجع اعد يدبسهم تانى وقالى حط طابع ب 10 دينار ( = 200 جنيه مصرى
) وروح الشباك 10 حطيت الطابع ورحت الشباك كان فيه بنت لذيذه طبعت ورقه غريبه عليها
اسمى وائل فكرى بدر السيد و بعض بياناتى وقالتلى روح شباك 14 رحت شباك 14 قالى
انتظر شويه وكان اول مصرى اقابله فى المرور.
المهم بعد شويه نده عليا وقالى وائل اسمك ناقص اسم العائله قولتله يعنى ايه عملى
دائره حمراء فى الورقه وكتب تعديل الاسم وقالى روح جوازات الشويخ تعدل الاسم وتعالى
قولت بسيطه حروح يعدلوا الاسم وارجع تانى وقولت للسائق جوازات الشويخ ولكنه ودانى
مرور الشويخ وقالى دش داخل اسئل وهما يقولولك المهم سبنى ومشى ودخلت قالولى لاء هنا
المرور وانتا لازم تروح جوازات حولى لانك ساكن فى حولى مين قالك تروح الشويخ قولتله
واحد فى المرور قالى اوصافه قولتله ايوه هو قالى مهو بالوه من بلاوى الزمن المهم
كتبلى ورقه توصيه لواحد فى جوازات حولى علشان صعبت عليه خرجت ركبت تاكسى تانى ورحت
حولى قالى اعمل طلب الاول عملت طلب ورجعت قالى لاء اخوى هذى فى الشويخ مو هنا فسئلت
عن الراجل الى ادونى توصيه ليه قالى مكتبه هناك فى الصاله رحت الصاله قالولى غائب
اليوم اخدت بعضى ورحت راكب تاكسى وقولتله جوازات الشويخ وفعلال ودانى جوازات الشويخ
مش مرور الشويخ المهم اعدت الف على ما وصلت للصاله الى بيتقدم فيها الطلابات ولقيت
طابور واقف ينتظر انه ياخد رقم علشان يخلص المعاملات الخاصه بيه وقفت اخدت رقم 399
ورحت الصاله الى بيظهر فيها الارقام الاقى كل الارقام بادئه من 400 وبتصعد وفى 500
وفى 600 اخر ما زهقت سئلت واحد من الموظفيين قالى رقمك طاف روح خد رقم جديد رحت
اخدت 439 واعدت اراقب لحد ما جه دورى.
رحت للشباك بالطلب قالى عند الشباك التالى كان فيه واحده واقفه بصت فى اوراقى
وقالتلى انتا عايز تضيف الاسم العربى ام الانتجليزى قولتلها مش عارف قالتلى لو
العربى لازم تروح تجيب طلب بصمات ولو الانجليزى نعدلوه ليك الحين فسيبتها وانا بفكر
وبعدين افتكرت ان البطاقه مكتوب فيها اسمى الكامل فرجعت ليها وقولتلها فقالتلى
ورينا اوراقك بصت وقالتلى ايه لكن على الكمبيوتر مو مسجل اسمك بالكامل لازم تروح
تسوى بصامات فى الفرونيه سمعت الكلمه وتنحت واخدت بعضى وانا متنرفز ومتعصب ورجعت
على الشركه الساعه 11 حكيت لزميلى وسئلت شئون الموظفيين قالولى غريبه ازى اذن العمل
و صفحة الاقامه فى الباسبور مفيش فيهم اسم العائله و البطاقه فيها اسم العائله
المهم فهمت منهم انى لازم اروح اعمل بصامات فى الفرونيه وبعد 15 يوم تطلع النتيجيه
فاخدها واروح اعدل الاسم واروح اطلع صفحة اقامه فى الباسبور من جديد واعمل اذن عمل
من جديد .
بليل فى نفس اليوم وانا مع جابر فى القهوه واحد هناك اتصل على واحد يعرفه فى المرور
قالى اكلمه واتفقنا انى ابعتله اسمى ورقم الاقامه وهو حيحاول يحل الموضوع وبعد ما
سيبنا القهوه جابر اتصل على فلاح وحكاله الموضوع ففلاح قاله نفس الكلام ولكنى اخدت
اوراقى ورحت لمكتب فلاح بص فيها واتصل على واحد يعرفه وسئله فقاله لاء لازم يروح
يعدل الاسم ويعمل بصامات لكن مش لازم يعدل الاقامه و اذن العمل وفلاح ادانى ورقه
لمدير مكتب السكرتاريه فى جوازات الشويخ علشان يمشيلى اوراقى بسرعه وقالى لما اخلص
فى الشويخ قبل ما اروح الفرونيه حيبعتنى لواحد هناك يخلصنى بسرعه .
يوم الاربعاء:
اعطيت الورق لعادل امس لانه قالى يعرف واحد ممكن يخلصلى الموضوع وقالى حيعطيه اياه
يوم الاربعاء بكره وحيخلصه ويجبهولى فى نفس اليوم فرحت الشركه ومعايا طلب تعديل
الاسم فقط وطلبت انهم يختموه من الكفيل واعطتهم اذن العمل يحفظوه فى ملفى افضل
علشان لو احتاجوه ولو طلبته حاخده منهم عادى .
فى الساع 1 اتصل عليا عادل بيقولى الراجل حيعدى عليه العصر ياخد الورق ويخلصه يوم
الخميس موافق فقولتله موافق.
بليل واحنا فى القهوه اتصل عليا هانى الى بعتله اسمى ورقم الاقامه قالى لاء مينفعشى
لازم اعدل الاسم فى الجوازات.
يوم الخميس:
اتصلت على عادل الساعه 2 العصر اسئله حصل ايه فقالى هو الراجل مكتصلشى عليك فقولت
لاء فقالى طيب وبعد شويه اتصل عليا وقالى هو راح ولقا اغلب الموظفيين هناك مش
مدومين غائبين فحيروح بكره قولتله بكره الجمعه قالى اه يبقا حيروح الاحد فقولت اوكى
ماشى شكرا يا عادل.
بس لحد كده وبس تعبت من الكتابه وتعبت من اللف الى لفيته ولسه حلفه.
sorry for English may be i will translated later you can use
google translated at this time
Category : Iam 
طيب وعلى ايه وجع الدماغ دا كلو
انت مش معاك رخصة السواقه بتاعت مصر مشى نفسك بيها وخلاص وفتح عينك تاكل ملبن
ههههههههههههههههههههههه
ممــــــــــــــــــــــــــــــــــــــــــــــنــــــــــــــــــــــــــــــــــوع
لازم رخصة البلد
دا انا اللى دماغى لفت من الكلام
ربنا يكون فى عونك ياعم دا الواحد بيعمل الرخصه هنا فى خمس دقايق
لما تخلص بقا ويعملولك الرخصه ماتنساش تبقا تفرق ندر لأاهل الله ا
دا انا اللى دماغى لفت من الكلام
ربنا يكون فى عونك ياعم دا الواحد بيعمل الرخصه هنا فى خمس دقايق
لما تخلص بقا ويعملولك الرخصه ماتنساش تبقا تفرق ندر لأاهل الله
قصد لو خلصت قبل ما روحى تطلع
ربنا يسهل انا لسه مبدائتش فى الاجرائات مستنانى جانب فاخامت سيادة المندوب الى بيخلص اوراق الشرك فى الحكومه
وضيفه هنا فى الكويت شبه وظيفة الساعى او مندوب التخليصات
طيب انا عندى حل تانى حلو
انت خد العشرى معاك هو يسوق وانت اقعد جمبه
لان زى ما انت عارف العشرى عــ برخصه
هههههههههههههههههههههههه
عمل رخصه امتى و ازى هو طلع بطاقه اساسا
وحتى طلع بطاقه ازى هو دخل الجيش اساسا
وحتى لو دخل الجيش طلع منه ازى
كفايه عليه كده كلامنا حيدخله ابو غريب