breaking new
يوم جميل ويوم حلو صحيح فيه 30 ماتوا زى ما بتقول البى
بى سى او 17 زى ما قال مذيع البث المباشر للنيل للاخبار او 14 زى ما قال مذيع النيل
للاخبار او 10 زى ما قال الفضائيه المصريه لكن مش مشكله وايه يعنى المهم ان مصر لسه
بخير ولانى من الناس المحبه للحكومه و من الناس الى شايفه الدنيا وردى فاكيد ده
مساعده من ربنا فى تخفيف التضخم السكانى وتمهيد الارض لى اقامة مشروعات سياحيه
وطبعا حيجو السياح بى البيكينى ورمضان كريم وحيطروا القعده والله ام انى لسه فاطر
من 4 ساعات لان الساعه 10 مساء.
وطبعا لانى من المحبين للحكومه و المؤيدين للوضع الحالى ولانى شايف الدنيا وردى
فائيه المشكله يعنى لما ينهار صخره ولا حتى 12 اهو برضه العالم يعرف اننا عندنا
صخور صلبه مش حدد عز لوحده الى صلب وطوله صح وبيوجع .
لكن برضه نرجع ونقول مش مشكله واهم طلعوا فى التليفزيون وكده حيكون فى شوية فوازير
حلوه للناس تحلها خلال شهر رمضان وهما كالتالى :
1- هل حكم المحكمه لصاحب العباره صحيح؟
2- من قتل سوزان تميم؟
3- الى وقعت فوقهم الصخور دى يا ترا كانوا حيفطروا ايه؟
وياريت لما حد يعرف الاجوبه دى يبقا يقابلنى ومعاه علبتين فزلين واحده ليه وواحده
ليا لان لو الحكومه جات تلسم علينا حنحتاج الفزلين اوى
Category : Egypt 
الله اما انى صايم يا حكومه
تخفيف التضخم السكانى
الجمله دى ملهاش اساس فى اللى حصل ياوئول لأن فئه الناس اللى وقع عليهم الصخر مكنوش نسبه من النسب المحسوبه فى التضخم مجرد بشر عايشين فى عشش بيجرو على قوتهم اليومى علشان يعيشوا وعلشان كدا جهود الانقاذ جت متأخر ساعتين ولا اماكن الايواء كانت احسن من كدا او اتوفرت للناس يمكن الحال كان هايتغير لو كان الانهيار حصل فى حى من احياء المقطم الراقى ,, مفيش فى ايدينا اللا الدعاء .
اللهم اغفرلهم وارحمهم واعفو عنهم واغسلهم بالماء والثلج والبرد
ونقهم من الخطايا كما ينقى الثـوب الأبيض من الدنس
اللهم و جازهم بالحسنات إحسانا وبالسيئات عفوا وغفرانا
اللهم وابدلهم دارا أحسن من دارهم وثيابا أحسن من ثيابهم
اللهم وأرحمنا إذا صرنا إلى ما صاروا إليــه
اللهم امين
وانا كمان الهم انى صائم ياحكومه
شكرا يا احمد
معاكى حق يا ياسمين لكن متنسيش ان الاسلوب بتاعى عباره عن سخريه من الموقف
والهم امين على دعائك
بس محدش يعنى جوبنى على اسئله الفوازير
مانا عارفه ياوئول
بس مش هاجااوب بقا اللا لما تكملهم 20 سؤال زى ماقلت واهو لسه رمضان طويل